Túrurin byrjar av ovaru Fitjum og gingið verður í ein landnorðing niðan á Skoragøtu. Haðani sæst stóri dalurin við Foldarskarði innast og Svínabotnum høgru handa. Dalurin hevur sum so onki navn, men eiðisfólk, sum eiga hann, siga:” Norðuri á Dal”.

Gingið verður síðani inn um Gráubrúgv, niðan undir Slætnabrúnna og síðani niðan í Hornið. Útsýnið av Horninum kann illa lýsast við orðum, tað má man síggja. Ógvuliga stórbart er úti á hesum nabba, sum liggur millum Eiðisdal og Ambadal.

Á dalinum búleikast ymisk fuglasløg, men ein hin mest eyðsýndi, man vera skúgvurin, sum ikki altið er so glaður fyri vitjan.

Túrurin er uml 9-11km

Talan er um tungan túr, sum tekur uml 6 tímar

Túrurin kostar 600kr fyri hvønn og verður túrurin bert gjørdur, um 6 pers ella fleiri tekna seg.

Gingið verður hvønn leygardag frá 1/5 – 23/9.